काठमाडौँ : राष्ट्रियस्तरका विकास बैंकहरूले असोज महिनाका लागि ब्याजदर घटाएका छन्।
हाल सञ्चालनमा रहेका ८ वटा बैंकहरूमध्ये ७ वटाले व्यक्तिगत मुद्दति निक्षेपको अधिकतम ब्याजदर घटाएका छन्। यद्यपि, कामना सेवा विकास बैंकले भने भदौ महिनाको ब्याजदरलाई नै निरन्तरता दिएको छ। जसमा व्यक्तिगत मुद्दति निक्षेपमा अधिकतम ७ प्रतिशत ब्याज उपलब्ध गराउनेछ।
अन्य बैंकहरूको ब्याजदर भने घटाइएको छ। मुक्तिनाथ, गरिमा, महालक्ष्मी, लुम्बिनी, ज्योति, र सांग्रिला बैंकहरूले असोज महिनामा व्यक्तिगत मुद्दति निक्षेपमा अधिकतम ६.५ प्रतिशत ब्याज दिने भएका छन्। भदौ महिनामा मुक्तिनाथ, लुम्बिनी, र ज्योतिले ६.७५ प्रतिशत ब्याज दिएका थिए,। जबकि गरिमा, सांग्रिला, र महालक्ष्मीले ७ प्रतिशत ब्याज दिएका थिए।
शाइन रेसुंगा बैंकले पनि ब्याजदरमा परिवर्तन गरेको छ। भदौमा ७ प्रतिशत ब्याज दिएको यो बैंकले असोजमा ब्याजदर घटाएर ६.७५ प्रतिशत दिने भएको छ।
