कात्तिक १५, काठमाडौं : आइसिसी विश्वकप क्रिकेट, २०२३ अन्तर्गत आज दक्षिण अफ्रिका र न्युजिल्याण्डबीच खेल भइरहेको छ। दक्षिण अफ्रिकाले न्युजिल्याण्डसामु जितका लागि ३५८ रनको लक्ष्य प्रस्तुत गरेको छ। टस हारेर पहिला ब्याटिङ गरेको अफ्रिकाले निर्धारित ५० ओभरमा ४ विकेटको क्षतिमा ३५७ रन बनाएको थियो।
दक्षिण अफ्रिकाका क्विन्टन डी ककले र रेस्सी वेन डेर डुसन शतक बनाएका छन्। दक्षिण अफ्रिकाका बायाँ हाते ओपनर क्विन्टन डि ककले आइसिसी विश्वकप २०२३ मा चौथो शतक हानेका छन्। डी ककले ११६ रन र रेस्सी वेन डेर डुसनले १३३ रन बनाएका थिए। यस्तै, डेभिड मिलरले ५३ रन र कप्तान तेम्बा बभुमाले २४ रन तथा हेनरिच क्लासेनले १५ रन बनाएका थिए।
बलिङमा न्युजिल्याण्डका टिम साउथीले २ तथा ट्रेन्ट बोल्ट र जेम्स निशमले समान १/१ विकेट लिएका थिए।
