काठमाडौँ : सुर्वोदय वोमि लघुवित्त वित्तिय संथा लिमिटेडले साउन ४ गतेदेखि निष्काशन तथा बिक्री खुला गरेको एफपिओमा आवेदन दिने आज साउन ८ गते अन्तिम दिन रहेको छ। लघुवित्तले ४६ लाख ७२ हजार ९ सय ५४ रुपैयाँ ५० पैसाबराबरको प्रतिकित्ता १०० रुपैयाँ अंकित मूल्यका ४६ हजार ७ सय २९.५४५० कित्ता शेयर निष्काशन गर्न लागेको हो।
सूर्योदय वोमी लघुवित्त वित्तीय संस्था लिमिटेडको एफपीओमा ४ सय ५ गुणा भन्दा बढी माग भएको छ । सिडिएसका अनुसार हिजो अर्थात् साउन ७ गते साँझ ५ः७ बजेसम्ममा १२ लाख ८८ हजार ८ सय १८ जनाले १ करोड ८९ लाख ३१ हजार ९ सय कित्ता कित्ताका लागि आवेदन परेको हो । जस मार्फत १ अर्ब ८९ करोड रुपैयाँ संकलन भएको छ।
लगानीकर्ताले आज साउन ८ गतेसम्म न्यूनतम १० कित्ता सेयरका लागि आवेदन सक्नेछन् । उक्त अवधिभित्र पर्याप्त आवेदन नपरेमा निष्काशन अवधि साउन १८ गतेसम्म लम्बिनेछ। लगानीकर्ताले अधिकतममा १ हजार कित्ताका लागि आवेदन दिन सक्नेछन्। कम्पनीको धितोपत्र निष्काशन तथा बिक्री प्रबन्धक कुमारी क्यापिटल लिमिटेड रहेको छ।
हाल लघुवित्तको चुक्ता पूँजी ९१ करोड ७ लाख ८२ हजार ५ सय ८ रुपैयाँ ५० पैसा रहेको छ भने एफपीओ निष्काशनपश्चात लघुवित्तको चुक्ता पूँजी ९१ करोड ५४ लाख ५५ हजार ४ सय ६३ रुपैयाँ पुग्नेछ। क्रेडिट रेटिङ्ग कम्पनी केयर रेटिङ नेपालले संस्थालाई ‘केयर एनपी बीबी (आइएस)बडल बी इस्योर रेटिङ प्रदान गरेको छ। यसले लघुवित्तको वित्तीय दायित्व बहन गर्ने क्षमतामा मध्यम जोखिम रहेको संकेत गर्दछ।
साविकको सूर्योदय र वोमी लघुवित्त मर्ज भई बनेको सूर्योदय वोमी संस्थाको कुल चुक्तापुँजी ९१ करोड ७ लाख ८२ हजार ५०८.५० रुपैयाँ कायम भएको छ। जसमा संस्थापक सेयरधनीको स्वामित्व ७०.३६ प्रतिशत र सर्वसाधारण समूहको स्वामित्व २९.६४ प्रतिशत रहेको छ। एफपीओ जारी गर्दै सर्वसाधारणतर्फको हिस्सा बढाएर ३० प्रतिशत पुर्याउन लागिएको हो।
नेपाल धितोपत्र बोर्डबाट स्वीकृति प्राप्त गरेका सम्पूर्ण सि आस्बा सदस्य बैंक तथा वित्तीय संस्थाहरु र तिनका तोकिएका शाखा कार्यालयहरु तथा सिडिएस एण्ड क्लियरिङ्ग लिमिटेडको सफ्टवेयर ‘मेरो सेयर’ अनलाइन प्रयोग गरी सि आस्बा प्रणाली मार्फत आवेदन दिन सक्नेछन्।
