असोज १५, काठमाडौं : पोखराबाट सुर्खेतका लागि छुटेको बस दाङमा दुर्घटना भएका छ। दुर्घटना हुँदा १४ जना घाइते भएका छन्।
ग १ ख ८४८५ नम्बरको बस आज बिहान पूर्व-पश्चिम राजमार्ग अन्तर्गत दाङको बबईसोता पुलको साइडमा दुर्घटना भएको हो। बस अनियन्त्रित भइ सडकदेखि १० मिटर तल खसेको प्रहरीले जानकारी दिनुभयो।
घाइतेहरुको लमही अस्पतालमा उपचार भइरहेको छ। बसमा १६ जना यात्रु रहेकामध्ये दुई जनाको अवस्था सामान्य रहेको प्रहरीले जानकारी दिनुभयो।
प्रहरीले चालक रामेछापको सुनपति गाउँपालिका-३ का ३३ वर्षीय रामकृष्ण खड्कालाई नियन्त्रणमा लिएको छ।
