असोज १२, काठमाडौं : सल्यानमा जिप दुर्घटना हुँदा दुई जनाको मृत्यु भएको छ भने १६ जना घाइते भएका छन्। प्रहरीका अनुसार जिप सडकदेखि ७० मिटर तल खसेको छ। जिपमा १८ जना सवार थिए।
जिल्लाको छत्रेश्वरी गाउँपालिका ५ लेखपोखराबाट गरिपारे मेला हेरेर शारदा नगरपालिका १२ कागखोला आउँदै गरेको लु १ज १८६१ नम्बरको जिप बेलुकी करिब ५ बजेतिर दुर्घटना भएको प्रहरीले जानकारी दिनुभयो।
दुर्घटनामा मृत्यु हुनेमा शारदा नगरपालिकाकी धुर्बी बोहोरा, मुना सेजवाल रहेको प्रहरी जानकारी दिनुभयो। घाइतेहरुको जिल्ला अस्पताल सल्यानमा उपचार भइरहेको प्रहरीले जानकारी दिनुभयो।
