सत्कार खबर, काठमाडौं : हिमाल दोलखा हाइड्रोपावर कम्पनी लिमिटेडको हकप्रद सुरक्षित गर्ने आज अन्तिम दिन रहेको छ। अर्थात वैशाख २६ गतेसम्म कायम सेयरधनीहरूले मात्र कम्पनीको हकप्रद सेयर खरीद गर्न सक्नेछन् । यस कम्पनीले ७५ प्रतिशत हकप्रद सेयर जारी गर्न लागेको हो जसको लागि कम्पनीले वैशाख २७ गते एक दिन बुक क्लोज तय गरेको छ ।
कम्पनीले हाल कायम चुक्तापूँजी रू. १ अर्ब ६० करोडको १ बराबर शून्य दशमलव ७५ ( १ : ०.७५) को अनुपातमा रू. १ अर्ब २० करोड बराबरको १ करोड २० लाख कित्ता हकप्रद सेयर बिक्री गर्न लागेको हो। जसको लागी कम्पनीले नेपाल धितोपत्र बोर्ड (सेबोन) वैशाख १२ गते अनुमति पाइसकेको छ ।
कम्पनीको हकप्रद सेयर निष्कासन तथा बिक्री प्रबन्धकमा लक्ष्मी क्यापिटल मार्केट लिमिटेड रहेको छ ।
