असोज २,काठमाडौं : आज बिहान साढे ७ बजे धादिङमा दुई जनामाथि एसिड प्रहार भएको छ। एसिड प्रहार गर्नलाई प्रहरीले नियन्त्रणमा लिएको छ। एसिड आक्रमणबाट बेनिघाट रोराङ ३ का १८ वर्षीय दिपेश क्षेत्री र ६३ वर्षीय डम्बर बहादुर पुलामी घाइते भएका छन्।
घाइते दुवै जनाको मलेखु स्थित टिचिङ अस्पतालमा उपचार भइरहेको प्रहरीले जानकारी दिनुभयो। उनीहरुको अवस्था सामान्य रहेको प्रहरीले जानकारी दिनुभयो।
धादिङको गजुरी गाउँपालिका–२ मलेखुमा सुनचाँदी पसल सञ्चालक प्रविण विकले २ जनामाथि एसिड प्रहार गरेका थिए। प्रविणले पसलमा मादक पदार्थ सेवन गरी आएकासँग विवाद हुँदा पसलमा रहेको एसिड प्रहार गरेको हुन्।
