काठमाडौं : अवतरण अनुमति म्याद सकिएको थाई एयर एसियाको जहाजले काठमाडौंमा समयमै अवतरण गर्न नसकेपछि आकाशमा होल्ड गराइएको छ।
निर्धारित समयअनुसार उक्त जहाज दिउँसो २ बजे त्रिभुवन अन्तर्राष्ट्रिय विमानस्थलमा अवतरण गर्नुपर्ने थियो, तर अनुमति म्याद सकिएको कारण ‘गुराँस प्वाइन्ट’ क्षेत्रमा होल्ड गराइएको हो।
विमानको अवतरण अनुमतिमा देखिएको समस्याका कारण यात्रुहरूलाई केही समय प्रतिक्षा गर्नुपरेको छ। विमानस्थलका अधिकारीहरूले अवतरण अनुमति प्रक्रिया पूरा भएपछि जहाजलाई अवतरण गराउने जानकारी दिएका छन्।
